ТУБЕРКУЛЕЗ: АЛДЫН АЛУ ӘРБІРІМІЗДЕН БАСТАЛАДЫ

Туберкулез — көбінесе өкпені зақымдайтын жұқпалы ауру. Ол белсенді өкпе туберкулезімен ауыратын адам жөтелгенде, түшкіргенде немесе сөйлегенде ауаға бөлінетін ұсақ бөлшектерді жұту арқылы таралуы мүмкін.

Туберкулезді дер кезінде анықтап, дұрыс ем қабылдаған жағдайда аурудан жазылуға болады. Сондықтан оның алдын алу шараларын сақтау өте маңызды.

Өзіңізді және жақындарыңызды қалай қорғауға болады?

🔹 Жасыңызға және медицина қызметкерлерінің ұсынымдарына сәйкес профилактикалық тексерулерден уақытылы өтіңіз.

🔹 Ұзаққа созылған жөтел, дене қызуының көтерілуі, түнде терлеу, себепсіз салмақ жоғалту немесе ұзақ уақыт әлсіздік байқалса, дәрігерге қаралыңыз.

🔹 Бөлмелерді үнемі желдетіп, тыныс алу гигиенасын сақтаңыз.

🔹 Жақын адамыңыздан туберкулез анықталған жағдайда, медицина маманының нұсқауы бойынша тексеруден өтіңіз.

🔹 Дәрігердің ұсынымдарын орындап, тағайындалған емді өз бетіңізше тоқтатпаңыз.

Есіңізде болсын: туберкулезді ерте анықтау асқынулардың және инфекцияның таралу қаупін азайтуға көмектеседі.

Денсаулығыңызды сақтаңыз! Алдын алу және медициналық көмекке уақытылы жүгіну — салауатты болашақтың кепілі.

№ 30 қалалық емханасы ШЖҚ КМК