БЦЖ ВАКЦИНАСЫ — ТУБЕРКУЛЕЗДІҢ АЛДЫН АЛУДАҒЫ МАҢЫЗДЫ ҚАДАМ

Туберкулез әсіресе ерте жастағы балалар үшін қауіпті, себебі инфекция ауыр асқынуларға әкелуі мүмкін.

БЦЖ вакцинасы туберкулездің алдын алуға арналған. Ол балаларды аурудың ауыр түрлерінен, соның ішінде туберкулездік менингиттен және жайылған туберкулезден қорғауға көмектеседі.

Ата-аналар нені білуі керек?

🔹 БЦЖ вакцинасы балаларға ұлттық профилактикалық екпелер күнтізбесіне және белгіленген медициналық көрсетілімдерге сәйкес салынады.

🔹 Екпе алдында медицина қызметкері баланы қарап, денсаулық жағдайын және вакцинацияға қарсы көрсетілімдердің бар-жоғын бағалайды.

🔹 Вакцина енгізілген жерде біртіндеп жергілікті реакция пайда болып, кейін кішкентай тыртық қалыптасуы мүмкін. Бұл — вакцинациядан кейінгі қалыпты үдеріс.

🔹 Екпе орнын өз бетіңізше жақпамайлармен өңдемеңіз, іріңді сығып шығармаңыз және пайда болған қабыршақты алып тастамаңыз.

🔹 Қатты қызару, ісінудің ұлғаюы, мол бөлінділер немесе баланың жалпы жағдайының нашарлауы байқалса, медицина маманына жүгініңіз.

БЦЖ вакцинасы туберкулездің барлық түрінен толық қорғамайды. Сондықтан профилактикалық шараларды сақтау және дәрігер ұсынымдарына сәйкес тексеруден өту маңызды.

Балаңыздың денсаулығы — ортақ жауапкершілік!

№ 30 қалалық емханасы ШЖҚ КМК